wie is ons?
Funda Discovery CentreGeopen 2019
funda ontdekkingsentrum
Die Funda Ontdekkingsentrum is in 2019 met fondse van die Nasionale Loteryekommissie en die Trust vir Afrikaanse Onderwys op die terrein van die Voortrekkermonument opgerig en word deur die Voortrekkermonument en Natuurreservaat, ‘n artikel 21-maatskappy, bestuur. Die woord ‘funda’ kom van die term ‘fundamenteel’ wat beteken om “te vestig, ‘n fondasie te lê, of iets te bevestig”. Funda is ook ‘n basiswoord wat in verskeie inheemse tale met die konsep van ‘leer’ te make het.
2011
Die Voortrekkermonument is as ‘n Graad 1- Nasionale Erfenisterrein verklaar; ‘n
‘n status wat weinig ander soortgelyke monumente vandag geniet. Bestuur was diep onder die besef van die groot verantwoordelikheid wat met die status gepaardgaan, veral toe die moontlikheid begin realiseer het om ‘n sillabusgerigte sentrum op die terrein op te rig. Een van die hoofredes vir erfenisbewaring, en ‘n taak wat aan veral verklaarde erfenisterreine opgedra word, is om op te voed en te onderrig. Deur jongmense bewus te maak van die diversiteit van Suid-Afrikaners se herkoms en kulture, behoort wedersydse respek gekweek te word.
die Funda Ontdekkingsentrum is gefokus op
leerplangerigte skoolprogramme
Dit geskied deur selfontdekking en studie volgens uitkomsgebaseerde onderwys. Spesifieke leerplantemas word aangebied d.m.v. ‘n inleiding, skattejag (ook vir tuisskole), gevolg deur interaktiewe besprekings. Hoewel skoolgroepe die hoofteiken is, kan dit ook vir ‘n verskeidenheid onderwyswerkswinkels en ander verrykingskursusse benut word. Dit bestaan uit drie hoofareas: die ouditorium, die foyer en hoofuitstalsaal en die opelug-area vir tradisionele aktiwiteite.
die ouditorium voorsien
visuele & interaktiewe inleidings
Dit word per leerplantema aangebied, terwyl ‘n kaart die skattejag met spesifieke temas in die hoofuitstalsaal fasiliteer. Hier word daar van oorspronklike voorwerpe, replikas, historiese foto’s, hedendaagse visuele materiaal en brokkies inligting gebruik gemaak. Die oorsprong en kulturele verskeidenheid van Suid-Afrika word aan die hand van breë temas soos nasionale simbole, voedsel, kleredrag, nedersetting, en materiale (hout, metaal, leer, gras, klei, keramiek en glas) verduidelik.
Kontak ons
Tel: 012 326 6770
Epos: Klientediens@vtm.org.za